هذا واش علمتني الحياة

عرفي واش تعلمت بعد 16 سنة دوك نقولك انا من حياتي واش تعلمت: الناس تحكم بالمظاهر ماعلابالهم بحتى واحد لكان راهو يتعذب ولا لالا. تعلمت بلي الناس اشكال وانواع فيهم الطيب وفيهم الخبيث وفي كلا الصفتين انواع فتلقاي الطيب الحنين الي قادر يضحي بحياتو وبسعادتو علجال لي يحبهم وتلقاي الطيب بصح لعائلتو برك وتلقاي الطيب لجميع الناس يحب جميع الناس علخاطر قلبو كبير بزاف واما من الصفة الثانية فتلقاي الخبيث الي ماكانش الرحمة في قلبو كامل خبيث حتى مع اقرب الناس ليه وهداك الانسان مؤذي وخطير قادر يوصل لدرجة القتل من اجل تحقيق اهدافو وبكل الطرق الشنيعة. ثاني تعلمت بلي كنحب من قلبي لانسان ما كاين 1 بالمئة ليستاهل حبي انا نحب عائلتي ونحب اصدقائي لي نلقاهم وقت الشدة كما لقاوني هوما ماشي لي يخليوك تتخبط ولا علبالهم هادوك طيش عليك ما احلى فراقهم . تعلمت مانخليش والداي مهما يكون لانه في الاخير ما نلقاهم غير هوما وهوما برك لي يحسو بيا ويعاونوني تعلمت نكره الخيانة والغدر وكل ما يمس بمبادئ الصدق والوفاء لانه والله كي يخونك انسان عزيز عليك تحس بلي قلبك راهو يتزف تحس بلي نيتك لي درتها بكل صفاء حسبها هو للاسف بانك مغفل . تعلمت نجتهد ولوكان ما نحصلش نتائج المهم نجتهد وندير لي عليا وتعلمت نبتعد عن كل ما يمس بديني لانه اكيد راح يديني للهاوية فانا مجرد مخلوقة من طين واكيد ربي ورسوله ادرى مني ومن جميع المخلوقات . تعلمت نحافظ على مبادئي ولوكان في المواقف الصعبة وتعلمت بلي مهما تعلمت راني ما تعلمتش والدنيا مزال نشوفو فيها حكايات وحكايات مادام فينا نفس بعد . تعلمت نكون متفهمة لردود افعال بعض الناس لانو غصبا عنهم احيانا . وتعلمت نبقا قوية وما نضعفش قدام اي انسان . تعلمت بانه في اي وقت قادر نموت. تعلمت بلي قلبي مالازمش نخمم بيه لازم عقلي برك يخمم لانه هادا هو الصح العقل . وتعلمت نشكر اي انسان يدعو للخير فشكرااااااااااااااااااااااااااااااااااااااااااا جزيلا لك