الدنيا و لا عندي كلام ... يا هي صعبه

السلام عليكم ورحمة الله وبركاتة

ضاقت الدنيا و لا عندي كلام ... يا هي صعبه .. ضيقة الشخص الكتوم

ما عليك إن طحت ياحظي ملام ..
...وان بغيت ألوم..قلي من ألوم

ضاقت الدنيا و لا عندي كلام ...
.... يا هي صعبه .. ضيقة الشخص الكتوم

من يلوم .. ان صار باحساسه زحام
.... و السهر عيا عن احزانه يقوم

ضايع ٍ وسط الهواجس و الظلام
.... في عيونه ياااه .. يا كثر الهموم

رغم انه عااش .. من فوق الغمام
.... بس ما يطمح بما دون النجوم

حط ّ له بين البشر قدر .. و مقام
.... وين ما وجــّـه .. عزيز ٍ و امحشوم

من تنكـّـر .. صد ّ عنــّـه باحترام
.... و اللي وافي .. شايله فوق الغيوم

ما نثر دمعه .. على صــدّه غراام
.... و لا وقف في سوق خلاّنه .. يسوم

لو زعل .. صد ّ و نسى كل الخصاام
.... ما يفااااارق صاحبه .. لو هو جزوم

مؤمن ان الغدر في شرعه حرااام
.... ومن غدَر به .. يبتعد عنه ْ .. و يشوم

و انت يا قلبي .. اصحــّـيك و تنام
.... ودي تصحى بس ابي تصحالي .. دووم

قلت لك لا تطمح براس النعام
.... و لا تطب ّ اليم ّ .. دامك ما تعوم

و لا تضيم الحي ّ .. و حيــّـك ما يضام
.... و ان خذوا لك حق.. لا تشكي و تلوم

العطا .. يبيــّـن على وجيه الكراااام
.... لا تظن الطيييييــب ينفع بالرخوم

مما راق لي

اتمنى تنال على اعجابكم

شكرا الاخ زكريا على هذه الخاطرة الرائعة
واله لا يضيق علينا الدنيا فان ضاقت عليناالدنيا فقل
يا رحمان يا رحيم

مرسيييييييي على مرورك الاكثر رائع

مـــــــــشكور علــــــــى ابداعاتـــــك المميــــــــــزة