يا ستي ارحمي اهلي عاوز اذاكر

الله أكبر الله أكبر..أذان الظهر..

-يارب.. يارب بحق هذا الآدان تنجح يا بسام يابن ابنى وأشوفك دكتور قد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..هو حتى التجارة شطارة.. الله يرحمه جدك كان تاجر فى الوكالة قد الدنيا

-ياستى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تدردح وتتوتك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى هو صدى مات..ياحبيبى ياأخويا..مكنش يومك ياسبعى

-ياستى ده ميت من ثلثين سنة

-ثلثين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر

-يوه..وأنا ماسكاك ياولد..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته عم تضحك عليه ياولد..أسمه الدبلون الواد ابن نجمة جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياولد ..نذرن عليا يوم ماتنجح لأكون رايحه اخطب لك جاردينيا بت جوري ....دى إيه ياواد.. أدب- وأخلاق..وعلام كمان

-ياستى جاردينيا هذه معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...جاردينيا هذه بنت

-جاردينيا 000جاردينيا مين ياولد..أنته بتعرف بنات من ورانا

-لا إله إلا الله....أبوس رجلك ياستى أرحمينى

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البنت البوصة تبقى عروسة..بس واللى نبى النبى نبى لكون مفركشه الخطوبة هذه ومجوزاه لينا بت أختى

-ياستى خطوبة إيه..أبويا متجوز أمى من خمسة وعشرين سنة ..وبعدين لينا هذه بنت أخوكي مش بنت أختك ..وأساسا إنتى ملكيش إخوات بنات

-صحيح ياولد ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رزإيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياستى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

شكرا زكريا على مرورك العطر

chokran 3ala lmawdo3

شكرا ياسمين على مرورك العطر

l3afw okhti